2. & 3. Rang Chlägicup 2023

Was für en Saisonstart!🤩 Gester send s Aerobic Aktivteam und s Paar met de Tamara und de Nadine am Chläggicup in Wilchinge id Wettkampfsaison 2023 gstartet.

I de Kategorie Paar eschs scho früeh am Morge los gange. Trotz eme ned ganz optimale Durchgang hends die beide metere Note vo 9.53 uf de 3ti Rang gschafft.🤸🏼‍♀️

Am Nomittag esch denn s Aktivteam, wo das Johr usere neue Teamkonstellation bestoht, dra gsi. Sie send sehr zfriede gsi met beidne Durchgäng und hends met ehre Note vo 19.316 uf de hervorragendi 2ti Rang gschafft!🥳