Remo Gut
23. Okt. 2022
Team Aerobic
Am vergangene Wocheend semmer a de Aerobic-Schwizermeisterschaft in Pfäffikon ahtrete und chönd eus über tolli Leistige freue! Met em Aktivteam hemmer meteme fantastische Publikum chönne d‘Hochstleistig i de Kategorie Aktiv metere Note vo 9.942 chönne erturne und hend somit nach 18 Johr de Titel Schwizermeister i de Kategorie Aktive weder chönne uf Chlidöttige hole.🤩 Au euses Paar met de Tamara & de Nadine hend en subere Durchgange chönne zeige und chönd sech über de hervorragendi 3. Schlussrang freue! Au euses Jugendteam hed e super tolli Leistig chönne turne! Leider heds ufgrund vo de überschrittnige Altersgrenze en Abzug vo 0.5 geh was e Endnote vo 8.75 ergäh het. Wär de Ordnigsabzug ned gsi, wäred sie sogar im Final met debi gsi!👏🏼 Herzlichi Gratulation a alli 3 Teams!❤️
Ufs neue Johr sind es paar grösseri Änderige i de Leitig und au i de Teamkonstellation planed. Mer send gspannt, was die neui Saison bringt!🤩
Es grosses Danke goht a eusi liebe Fans & Zueschauer - euchi Unterstützig esch eifach gold wert!